skip to Main Content
info@beterrikm0.eus 688 849 540

Denon artean Beterri-Buruntza eskualdea hobetuz

Beterri-Buruntzako Udalek, Beterri Km0 proiektua martxan jarri berri dute, nekazal ekoizpena kontsumitzaileen esku jartzeko helburuarekin.

Horretarako, janari denda, jantoki publiko zein taberna eta jatetxeetan bertako produktua saltzea erraztuko da. Leku hauek, Beterri Km0 zigiluarekin bereizi eta identifikatuko dira, kontsumitzaileak bertako produktua modu erraz batean eskuratu ahal izan dezan.

Beterri Km0 logotipoa

Proiektu honek elikadura subirautza du oinarri eta ondoko helburuak lortu nahi ditu:

Tokiko ekoizpena sustatu eta nekazarien bideragarritasun ekonomikoa bermatzea.

Tokiko kontsumoa sustatu eta merkatarien eta ostalarien bideragarritasun ekonomikoa handitzea.

Tokikoa, garaikoa, merkea eta osasungarria den elikadura denon eskura jartzea.

Nola bilakatu Beterri Km0 sareko partaide?

Nekazariak

Eskualdeko nekazal ekoizlea izan eta sarearen parte izatea, sarean egotea.

Jatetxeak

Jatetxe edo jantoki publiko baten ardura izan eta lehengai moduan bertako produktuak erabiltzea.

Dendak

Eskualdean denda txiki baten jabe izan, bertako produktua saldu eta Beterri Km0 zigiluarekin bereiztu.

Erosketak

Beterri Km0 zigilua duten denda, jatetxe edo jantoki publikoetan erosi eta kontsumitzea.

Aurten sortu berri den Beterri Km0 zigiluari esker, kontsumitzaileek erraz identifikatu ahal izango dituzte sareko partaide diren jantoki publiko, jatetxe eta denda txikiak, bertako ekoizleen produktuak erosi eta kontsumitzen ari direnaren bermea edukiz.

Back To Top